Qyteti Petra në Jordani, një mrekulli..

Për 600 vjet kishin menduar se kishin humbur gjurmët e qytetit Petra në mesin e shkretëtirave të Jordanisë, derisa një hulumtues zviceran, Johann Ludwig Burchardt kishte vendosur ta rizbulonte këtë qytet të lashtë.Ky hulumtues zviceran pasi kaloi një rrugë të ngushtë dhe të mundimshme nëpër malet e këtij vendi, në vitin 1812 arriti ta zbulojë qytetin Petra. Në këtë qytet ndodhet një tempull po me këtë emer i cili quhet edhe ‘thesare’.


Tempulli Petra ndodhet në mesin e disa ndërtesave të stolisura dhe madhështore dhe në llojin e tij është i paparë. Qyteti në fjalë ndodhet 226 km. larg Amanit, kryeqytetit të Jordanisë dhe grekët atë e quanin ‘Petra’, që do të thotë ‘gurë’. Banorët e këtij qyteti janë të njohur si fisi ‘Nabt’. Kurse disa historianë janë të mendimit se fisi Nabt janë po ata ‘Banorët e Shpellës’ (Es’habi Kahf). Qyteti Petra ndodhet në një luginë të thellë 2000 m. dhe 1 km, me gjatësi prej 1 km..

Në dy pjesët e kësaj ngushtice ekzistojnë mbishkrime të lashta dhe në këtë luginë gjenden tempuj, ndërtesa, sallone dhe varreza që i takojnë kohërave të lashta. Në lartësitë e malit ‘Harun’ ndodhet edhe varri i Harunit, vëllait të hz. Musaut a.s.. Po ashtu në zemër të shkretëtirave të kuqe të rajonit ‘Petra’, në jug të Amanit ndodhet një shpellë, kurse brenda saj shihen tre varre, për të cilin supozohet se është po ajo shpella e ‘Banorëve të Shpellës’. Petra është ndërtuar në shekullin 6 p.e.s., pra në periudhën e sundimit të perandorisë iraniane.


Ky qytet është ndërtuar nga fisi Nabt. Ky fis ishte arab dhe anëtarët e tij merreshin me tregtimin e bimëve me aromë të këndshme. Vlen të theksohet se qytetin Petra grekët e pushtuan 60 vjet pas lindjes së Mesihut a.s.. Në mes të këtij qyteti janë gdhendur edhe amfiteatri me stil greko-romak, i cili ka kapacitetin e 400 personave.