Krimba të derguar ne Mars, per t’i hapur rrugen njeriut

Nëse njerëzit duhet ende të presin para se të shkelin në Mars, duket se rrugën do ta hapin krimbat. Bëhet fjalë për ata të tipit Caenorhabditis (model shumë i përdorur nëpër studime biologjike), të cilët shkencëtarët britanikë i kanë dërguar me sukses në një mision në Stacionin Ndërkombëtar Hapësinor për të testuar sesi i rezistojnë ata udhëtimit në hapësirë.

E për çudi, jo vetëm që qëndruan të shëndetshëm, por riprodhuan 24 gjenerata ndërsa ishin në orbitë. Qëllimi i eksperimentit të kryer nga Universiteti i Notingemit, ishte të shihej se si do ndikojë në trupin e astronautëve udhëtimi i gjatë dyvjeçar drejt Marsit.

Krimbat e vegjël, të gjetur në plehra, u dërguan në këtë udhëtim për shkak se ata kanë 20 mijë gene të ngjashme me njerëzit- dhe muskujt e sistemi i tyre nervor punon në të njëjtën mënyrë.

Kur krimbat e mbijetuar u kthyen në tokë, shkencëtarët panë se ata kishin një zhvillim normal, ushqeheshin rregullisht dhe kishin kapacitet për t’u riprodhuar. Ky kërkim mund të ndihmojë shkencëtarët të kuptojnë më shumë në lidhje me sëmundjen e muskujve, të quajtur distrofia muskulore.

Po, sepse udhëtimi me gravitet zero shkakton konsumim dramatik të muskujve, pasi reduktohet nivelin i proteinës miozin, që i mban ata të fortë. Edhe për këtë rast, krimat kanë hasur probleme të ngjashëm. (Daily Mail)