sekreti i biftekut artificial që kushton 236.000 euro

Harrojini biftekët e shijshëm me mish viçi… Tashmë mishi artificial është realitet.
Një shkencëtar holandez po tenton të krijojë biftekun e parë laboratorik.
Mark Post, biolog pranë universitetit Maastricht po përpiqet të kultivojë 3.000 shirita të hollë mishi në disqe petri dhe në vazhdim, t’i bashkojë bashkë në një biftek artificial, duke përdorur gjithashtu edhe yndyrë, të krijuar po në laboratorët e tij.
Meqenëse mishi artificial nuk përmban fare gjak, ai do të jetë pa ngjyrë.
Gjithashtu, vlen për t’u përmendur që ky produkt do të kushtojë plot 236 mijë euro!
“Bifteku i parë artificial po përgatitet në një laborator universitar nga një grup akademikësh.
Është biftek i përgatitur në dorë, jo me makineri dhe po të përllogaritësh kohën që është nevojitur dhe punën e bërë, vetëm atëherë mund ta kuptosh përse kushton kaq shtrenjtë”, shpjegoi shkencëtari.
Vallë mund të ketë të njëjtën shije me biftekët që kemi ngrënë deri më sot?