Jemi të kërcënuar nga një stuhi Diellore që mund të shkaktoj mungesë masive të rrymës

Cikli i ardhshëm i aktivitetit të stuhisë diellore mund të ndodhë të shkaktojë dëme në transformatorët elektrik dhe paraqet kërcënim për infrastrukturën e ndjeshme energjetike në mbarë botën, deklaroi shtëpia gjermane e sigurimeve “Allianz”.

Dielli po kalon nëpër ciklin njëmbëdhjetë vjeçar të aktivitetit normal, e periudha e radhës së aktiviteteve të dendura solare pritet të ndodh gjatë viteve 2012 dhe 2013.

Në deklaratën e lëshuar nga Allianza theksohet se stuhia solare me rrezik të lartë, e cila nuk është e lehë për tu parashikuar për shkak se ndodh rrallë, mund të shkaktonte mungesë të energjisë elektrike dhe humbje ekonomike në mbarë botën në vlerë prej më shumë se një triliard dollarë, ndërsa skenari më pesimist është edhe më ikeq

Eksplozioni i madh mbi sipërfaqe të Diellit do të mund të shkarkonte me miliarda ton gazi të nxehtë me shpejtësi prej një milion mile në orë, e kur ky gaz do të godiste fushën magnetike të Tokës, do të niste një stuhi të madhe solare.

Serioziteti i çrregullimeve të mundshme ka tërhequr vëmendjen e ekspertëve nga sektori i sigurimeve, si dhe nga institucionet përgjegjëse për sigurinë shtetërore.

“Nëse paramendojmë se pjesë të tëra të vendeve ose kontinente të tëra me javë, ose muaj nuk do të kishin rrymë ... atëherë kjo gjë është shumë serioze”, tha Jim Wild nga universiteti britanik Lancaster.

Problemi qëndron në vështirësitë e parashikimit se sa shpesh ndodhin evenimente serioze solare. Periudha e shkurtë kohore që kanë në dispozicion satelitët për zbulimin e çrregullimeve gjithashtu paraqet një pengesë për parandalimin e dëmeve të shkaktuara për shkak të stuhive solare.

Momentalisht asnjë satelit nuk është mjaftë afër Diellit për të dhënë paralajmërim më të gjatë se një orë para se të vijë deri te stuhia, sqaroi Wild. Modernizimi i satelitëve i cili do të ju jepte njerëzve në Tokë më shumë kohë për tu përgatitur për rreziqet do të kushtonte rreth një miliard dollarë, shtoi Wild.