Lorna Baillie pësoi atak në zemër dhe mjekët e mbanin në jetë teknikisht. Pas shumë përpjekjesh të vazhdueshme, mjekët njoftuan familjen e britanikes 49-vjeçare se situata e saj ishte e pakthyeshme, ndaj duhej t’i thoshin lamtumirë përgjithmonë.
45 minuta më vonë, bashkëshorti i Lornës, u përkul dhe i pëshpëriti “Të dua”. Menjëherë ngjyra e fytyrës së saj filloi të ndryshojë dhe pak më vonë, hapi sytë.
Lorna u rikthye në jetë, 3 javë më vonë doli nga reaminacioni dhe shëndeti i saj është përmirësuar. Tashmë ajo e shtrirë në krevat, është në gjendje më të mirë dhe mund të komunikojë me bashkëshortin dhe fëmijët e saj.
Por më shumë përshtypje të bën fakti se edhe pse ishte cilësuar si “teknikisht e vdekur”, Lorna nuk kishte pësuar dëmtime në tru dhe së shpejti do të fillojë të ecë.
Titolo: I tha “të dua” gruas së vdekur dhe ajo u ngjall 