Titolo: Propozimi romantik për martesë (video) Gio Mag 19, 2011 10:21 am
Propozimi romantik për martesë (video)
Los Angeles, 18 maj - Një burrë romantik ishte munduar shumë për t’i propozuar të dashurës së tij për martesë.
Ai kishte zgjedhur unazën, kishte mësuar këngën që do i këndonte, kishte përgatitur fjalimin dhe e dërgoi vajzën e ëndrrave në vendin ku ishin takuar për herë të parë për ta propozuar.
Në një video të postuar në Youtube, burri fillon fjalimin e tij para një fast food-i në një qendër tregtare të Los Angeles. Ai i thotë vajzës se sa shumë e dashuron dhe i rendit arsyet se pse duhet ta kalojnë jetën bashkë, transmeton TCH.
Në këtë kohë afrohet edhe një kitarist që shoqëron fjalimin me një këngë romantike.
Por, vajza pasi e dëgjon, hedh një vështrim rreth e rrotull dhe ikën me vrap nga qendra tregtare. Njerëzit që po shihnin dhe po regjistronin në telefonat e tyre të gjithë skenën iu drejtuan zemërthyerit me fraza si “Kjo ishte e rëndë” apo “S’ka gjë, mos e vrit mendjen”.