Vuoi reagire a questo messaggio? Crea un account in pochi click o accedi per continuare.



 
PortaliIndiceGalleriaUltime immaginiCercaRegistratiAccedi

 

  Njeriu i akullt që duron temperaturat nën zero nëpërmjet meditimit

Andare in basso 
AutoreMessaggio
AL.DO
administrator
administrator
AL.DO


Maschio Join date : 28.06.09
Age : 32
Location : elbasan

 Njeriu i akullt që duron temperaturat nën zero nëpërmjet meditimit Empty
MessaggioTitolo: Njeriu i akullt që duron temperaturat nën zero nëpërmjet meditimit    Njeriu i akullt që duron temperaturat nën zero nëpërmjet meditimit EmptyDom Mag 29, 2011 10:42 pm

 Njeriu i akullt që duron temperaturat nën zero nëpërmjet meditimit R-WIM-HOF-ICEMAN-large570

Për shumicën e njerzve, hipotermia fillon menjëherë pasi trupi ekspozohet në temperatura nën zero pa veshje të mjaftueshme dhe mund të shkaktojë shumë shpejt vdekjen sapo temperatura e trupit të bjerë nën 32 gradë Celsius. Por jo për Wim Hof, i cili ka ndërmarrë veprime të shumta dhe ekstreme, duke zënë vend në librin e rekordeve Guines dhe duke fituar nofkën ‘njeriu i akullt’.

Këmbë-zbathur e me pantallona të shkurtëra, Wim Hof vrapon në temperatura nën zero në dimrin e Finlandës. ‘Njeriu i akullt’ e përfundon vrapimin me një zhytje dy minutëshe në ujin e ngrirë të një liqeni.

52 vjeçari Hof e fitoi këtë emër nofkë pasi ndërmori veprime ekstreme si për shembull qëndroi në një rezervuar të ngrirë në Hong Kong për gati 2 orë; përshkroi me not një distancë sa gjysma e një fushe futbolli poshtë një shtrese akulli në Arktik dhe zuri vend në librin Guines të rekordeve pasi vrapoi këmbë-zbathur gjysmën e një maratone në Finlandë në temperatura nën zero.

Në vitin 2007, ai u përpoq të ngjitej në malin Everest vetëm me sandale dhe pantallona të shkurtëra, por nuk duroi dot dhe në lartësinë 7,400 metra u kthye. Ai donte të provonte kufijtë e mundësisë njerzore, por jo të vdiste në këtë përpjekje. Në vitin 2009, në të njëjtën mënyrë ai u ngjit në malin Kilimanxharo.

Wim Hof thotë se mund të durojë temperatura të ulta sepse ai ka mësuar të aktivizojë pjesë të trurit, që nuk kontrollohen nga shumica e njerzve, madje mund të aktivizojë atë që ai e quan “termostat të brendshëm”.

“Nuk kam pasur kurrë ndonjë instruktor dhe as nuk kam marrë mësime. Kam mësuar thjesht nga natyra e egër. Kur gaboj më duhet të përballem me pasojat dhe kur veproj si duhej mësoj që të bëj edhe më shumë. Gjithnjë i kam bërë sfidë trupit tim në kushte të ashpra atmosferike në mënyrë që të përballoj kushte ekstreme, si për shembull temperatura tepër të ulëta. Kam mësuar si ta përshtas trupin në kushte të tilla dhe të gjej si të thuash një metodë që funksionon për mua”.

Tani metodat e tij medituese duan t’i mësojnë nxënës në gjithë botën. Në një ditë pranvere në Rotterdam të Holandës, një grup sportistësh dëgjojnë me vemendje, ndërsa Wim Hof i përgatit ata për një provë:

“Teknikisht ju jeni plotësisht gati, jeni stërvitur, megjithatë ekziston një ndryshim i madh se si ju ndjeheni dhe çfarë ju pret në ujë, sepse nuk ekziston asgjë e përbashkët”.

Por nxënësit e njeriut të akullt duken të shqetësuar, ndërsa ai hedh qese me akull në rezervuarin e ujit, ku pas pak ata do të zhyten. Në bazë të udhëzimeve të Njeriut të Akullt, atlentët do të qëndrojnë në ujë për disa minuta duke praktikuar metodat e meditimit. Ja si u shpreh pas daljes nga uji i akullt, Edith Bosh fituese e medaljes së e argjëndë në lojrat olimpike të vitit 2004 dhe e medaljes së bronxit më 2008-tën:

“Është diçka e çuditshme: Mënyra se si na mësoi të marrin frymë dhe se si reagon trupi. Mendoj se kjo përpjekje për mua është domethënëse sepse mund të më ndihmoj të arrij rezultate më të mira në gara olimpike”.

Wim Hof i përshkruan veprimet e tij si një bisedë të brendshme, në të cilën truri dhe trupi i dërgojnë sinjale njeri tjetrit.

Në një demonstrim të dokumentuar fare mirë në vitin 2008, ai qëndroi për 71 minuta në një rezervuar të mbyllur prej xhami i mbushur me akull në një rrugë të qytetit të New Yorkut. Në atë kohë ky ishte rekord. Mjekët që ndiqnin shenjat e jetës thanë se temperatura e trupit të tij ra gradualisht në 34.2 Celsius, ndërsa rrahjet e zemrës u shtuan gradualisht në 120. Ishte njësoj sikur ai po vraponte pa lëvizur.
Torna in alto Andare in basso
http://universal.lovelyforum.net
 
Njeriu i akullt që duron temperaturat nën zero nëpërmjet meditimit
Torna in alto 
Pagina 1 di 1
 Argomenti simili
-
» si te beni para nepermjet 000webhost.com
» Njeriu me lekuren blu
» Njeriu i pare me zemer artificiale

Permessi in questa sezione del forum:Non puoi rispondere agli argomenti in questo forum.
 :: KURIOZITETE-
Vai verso: